ԱՄՆ նախագահական ընտրություններում Դոնալդ Թրամփի հաղթանակի դեպքում ամերիկյան տնտեսությունը կկորցնի ՀՆԱ-ի մինչև 5 տոկոսը՝ համեմատած մինչև 2021 թվականը երկրի տնտեսության զարգացման բազային սցենարի հետ։ Այս մասին ասվում է Oxford Economics հետազոտական կազմակերպության մամլո հաղորդագրությունում։
Կազմակերպության հիմնական սցենարով՝ Թրամփի պլանները տնտեսության ոլորտում կենթարկվեն շտկման՝ Կոնգրեսի հետ բանակցությունների անցկացման անհրաժեշտության պատճառով։ Այդ դեպքում երկրի տնտեսությունը կդանդաղի կարճաժամկետ հեռանկարում՝ անորոշության մեծացման պատճառով։ 2017 թվականին ՀՆԱ-ն կկազմի 0.5 տոկոսով քիչ, քան ենթադրում է բազային կանխատեսումը։
Համաշխարհային տնտեսության վրա Թրամփի նախագահության հնարավոր ազդեցությունը նախատեսում է երկու սցենար։ Հիմնական սցենարի դեպքում համաշխարհային տնտեսության աճը՝ համեմատած բազային տարբերակի հետ, 2017 թվականի ընթացքում կդանդաղի չափավոր՝ 0.25 տոկոսով։ Վատագույն դեպքում համաշխարհային տնտեսության աճը կանխատեսման ողջ ժամանակահատվածում կմնա թույլ:
