Thursday, 18 04 2024
15:10
Դինա Տիտուսն ԱՄՆ Կոնգրեսի քննարկմանը կներկայացնի Ադրբեջանի նկատմամբ պատժամիջոցներ սահմանելու ակտ
Չինաստանն աջակցում է «Խաղաղության խաչմերուկ» ծրագրին, «Գոտի և ճանապարհ»-ի շրջանակներում համագործակցության հնարավորություն տեսնում
Արթիկում 16-ամյա պատանին դանակահարել է 45-ամյա համաքաղաքացուն
Խաղ Երեւանի «թիկունքում». ովքեր են խաղացողները
14:50
Երևանի կոնյակի գործարանը մեկնարկել է խաղողի գնման պայմանագրերի ստորագրման գործընթացը
«Մանրամասներ»․ Դավիթ Ստեփանյանի հետ
14:40
Ադրբեջանն էթնիկ զտումներ է իրականացրել Լեռնային Ղարաբաղի հայերի նկատմամբ․ Ջուդի Չու
Աղդամում ռուս-թուրքական համատեղ մոնիթորինգային կենտրոնի գործունեությունը կդադարեցվի
Փոխնախարարը ընդգծել է հանքարդյունաբերության ոլորտում ԱՄՆ-ի համագործակցության կարևորությունը
Արգել գյուղի մոտ մեքենան շրջվել է. կա զոհ
«Հայաստանի իշխանություններից հստակ արձագանք ենք սպասում հայտնված վկայությունների վերաբերյալ». Զախարովա
14:10
ԱՄՆ Սենատը դադարեցրել է ներքին անվտանգության նախարար Մայորկասի իմփիչմենթը
14:00
Live. «Առաջին լրատվական» տեղեկատվական-վերլուծական կենտրոն
Լուրերի օրվա թողարկում 14։00
13:50
ԱՄՆ-ի կողմից Հայոց ցեղասպանության ճանաչմանն ու դատապարտմանը պետք է հետևեն իրական հետևանքներ․ Ադամ Շիֆ
Ռուսաստանը երբեք ինքնակամ դուրս չի եկել իր ներկայության գոտուց. պարտադրված քա՞յլ, թե՝ գործարք
13:40
Կոնգրեսական Գուս Բիլիրակիսը տարածաշրջանում Թուրքիայի գործողություններն աններելի է համարում
13:30
Կոնգրեսական Մըքքլինթոքը Թուրքիային կոչ է արել ճանաչել Հայոց ցեղասպանությունը
13:20
Հայ ժողովուրդը կրկին ոտքի կկանգնի, ինչպես դա արեց Ցեղասպանությունից հետո․ ԱՄՆ կոնգրեսական
Սամվել Վարդանյանը տուժող է ճանաչվել
Հարավային Կովկասում խաղաղության հաստատման հարցում պատրաստ ենք աջակցել Հայաստանին. Լիտվայի վարչապետն՝ Ալեն Սիմոնյանին
Թբիլիսիում բողոքի ցույցերի երրորդ օրն է. կան ձերբակալվածներ
Հայաստանն ու Սաուդյան Արաբիան պայմանավորվել են խթանել կապերը թվային կառավարման ոլորտի առաջատար ընկերությունների միջև
13:00
Բրեդ Շերմանը կարևորում է ԼՂ-ից բռնի տեղահանվածներին տրամադրվող օժանդակության ընդլայնումը և Ադրբեջանին տրվող բոլոր օգնությունների կրճատումը
Միրզոյանը սաուդական կողմն առաջարկել է «ճանապարհային քարտեզ» փոխհամաձայնեցնել
ԼՂ-ից 330 ուսուցիչ մարզային դպրոցներում աշխատանքի է անցել առանց մրցույթի՝ 30% հավելավճարով
«Բրյուսովի համալսարան» անորոշ անունը ժամանակավրեպ է. այն պետք է վերադառնա իր նախկին կոչմանը
Թարգմանիչների խնդիր ունենք. Փաշինյանը` Բրյուսովի համալսարանի նոր ռեկտորին
Որ հիվանդությունների դեպքում է սահմանափակվում զինծառայությունը. ներկայացնում է ՊՆ նախարարը
Մարդու ուղեղում կիստա կա, բայց հնարավոր չէ իմանալ՝ իրենն է, թե տիպային կիստա է «քսերոքս» արած

Ցյուրիխյան արձանագրություններին կողմերը դժվար թե վերադառնան

«Առաջին լրատվական»-ի զրուցակիցն է TESEV տնտեսական և սոցիալական հետազոտությունների թուրքական կենտրոնի փորձագետ Այբարս Գյորգյուլուն


– Պարոն Գյորգյուլու, անցյալ ամիս Հայաստան էր այցելել Շվեյցարիայի նախագահը: Այդ այցից ընդամենը շաբաթներ անց Սերժ Սարգսյանը մեկնեց Ցյուրիխ: Հաշվի առնելով, որ վերջին տարիներին Հայաստանի և Շվեյցարիայի հարաբերությունների օրակարգն առավելապես «հագեցած» է հայ-թուրքական գործընթացով (պայմանավորված Բեռնի միջնորդական առաքելությամբ)` կարելի՞ է պնդել, որ վերջին փոխայցերն առավելապես հայ-թուրքական հարաբերությունների հաստատման գործընթացը վերսկսելուն են նվիրված եղել…


– Միջազգային հանրությունը շատ էներգիա է ներդրել այդ գործընթացում. հենց միայն փաստաթղթի պատրաստումը հեշտ գործը չէր,- դա կողմերից փոխզիջում էր պահանջում,- այդ պատճառով էլ արձանագրությունները ոչ այնքան հստակ էին ձևակերպված: Այն կարծես ասում էր` եկեք խնդիրները մի կողմ թողնենք և նախ մեր հարաբերությունները կարգավորենք, հետո կվերադառնանք խնդիրներին: Այս փոխզիջումը ստացվեց միջազգային ուժերի շնորհիվ: Սակայն հիմա բոլորը հիասթափված են արդյունքից: Ես վերջերս Վաշինգտոնում էի. նրանք այլևս նախկին շահագրգռվածությունը չեն ցուցաբերում: Ռուսաստանն է զբաղվում Լեռնային Ղարաբաղի հարցով, ինչը, կարծում եմ, կապված է հայ-թուրքական հարաբերությունների հետ: Կարծում եմ` միջազգային հանրությունը այլևս հիասթափված է և նոր գործողությունների չի դիմի առաջիկայում, ուստի շվեցարա-հայկական հարաբերությունների և հայ-թուրքական գործընթացի միջև որևէ հստակ կապ չեմ տեսնում:


– Թուրքիայի առաջիկա խորհրդարանական ընտրությունները կարո՞ղ են էական փոփոխության ենթարկել երկրի արտաքին քաղաքական օրակարգը…


– Ընտրություններում միանշանակ առավելագույն ձայները կհավաքի իշխող «Արդարություն և զարգացում» կուսակցությունը, ես կարծում եմ` ձայների մոտ 40-42%-ը: Ուստի էական ոչինչ չի փոխվի Թուրքիայի քաղաքականության մեջ: Ազգայնական կուսակցությունները կորցնում են իրենց ձայները, և գուցե նույնիսկ 10%-ի շեմը չհաղթահարեն, ուստի նրանց ձայնը լսելի չի լի: Փոխարենը` լավ շանսեր ունի նաև Հանրապետական կուսակցությունը, որը նոր նախագահ է այժմ ընտրել` ավելի երիտասարդ և ժամանակակից մտածողության կրող: Ընդհանրապես երիտասարդացել է կուսակցությունը և գուցե հայ-թուրքական գործընթացը վերսկսելուն կողմ լինի: Սակայն այդ մասին նախընտրական արշավում ոչինչ չի ասվում: Եթե հիմա իրենց նման հարց էլ տրվի, նրանք կասեն, որ Ադրբեջանին կպաշտպանեն, որովհետև ընտրարշավ է ընթանում, և չեն ցանկանա ձայներ կորցնել:


– Վերջերս, նախընտրական քարոզարշավի ժամանակ Ռեջեփ Թայիփ Էրդողանը հայտարարեց, որ Հայաստանի հետ հարաբերությունների կարգավորումն անհնար է առանց Լեռնային Ղարաբաղի հակամարտության լուծման: Այս հայտարարությունը արդյոք չի՞ նշանակում, որ գործընթացին Թուրքիան տևական ժամանակ չի վերադառնա:


– Այդ հայտարարությունը ավելի շատ ուղղված էր ընտրազանգվածին և Ադրբեջանին, քան Հայաստանին: Էրդողանը ընդամենը փորձում էր ձայներ չկորցնել: Կարծում եմ` Հայաստանը հասկանում է, որ դա նախընտրական հայտարարություն էր:


– Ակնհայտ է, որ Թուրքիան հայ-թուրքական հարաբերությունների բերելավումն առնչում է Լեռնային Ղարաբաղի կարգավորման հետ: Հաշվի առնելով, որ այդ գործընթացն էլ տեսանելի ապագայում կարգավորման ենթակա չէ, Թուրքիայի խորհրդարանական ընտրություններից հետո որքանո՞վ եք հավանական համարում, որ Անկարան հայ-թուրքական գործընթացը կբերի իր արտաքին քաղաքական օրակարգ…


– Ես, անկեղծ ասած, մոտ ապագայում կոնկրետ փոփոխություն չեմ սպասում: Ընտրություններից հետո նոր կառավարությունը հունի մեջ կընկնի ոչ շուտ, քան հուլիսի սկզբին: Բացի դա, Թուրքիայի համար այսօր կան շատ ավելի կարևոր առաջնահերթություններ, նախ` նոր սահմանադրություն պետք է ընդունվի, առավել քան երբևէ լրջացել է քրդական հարցը, Սիրիայում և այլ հարևան երկրներում ապստամբություններ են և այլն: Այս ամենի մեջ Հայաստանի խնդիրը առաջնահերթ կարևորություն չունի Թուրքիայի համար: Ուստի մոտ ապագայում ոչինչ չի կարելի ակնկալել:


– Պարոն Գյորգյուլու, փորձագետներից ոմանք կարծում են, որ կողմերը Ցյուրիխյան արձանագրություններին այլևս չեն վերադառնա: Դուք կիսո՞ւմ եք այդ կարծիքը:


– Այո՛, համաձայն եմ: Արձանագրությունները իրենց նպատակին ծառայեցին, այն է` հեշտացրեցին երկխոսությունը հասարակությունների միջև: Քաղաքացիական հասարակությունն առանցքային էր հայ-թուրքական հարաբերությունների կարգավորման գործընթացում, և կարծում եմ առաջինն էր, որ զգաց այս գործընթացը: Դիվանագիտական առումով արդյունքն, իհարկե, բավարար չէր: Իմ կարծիքով, արձանագրությունները ստեղծվել էին արագ ընդունվելու համար, բայց հետևեց Էրդողանի հայտարարությունը` հարցը Լեռնային Ղարաբաղի հիմնահարցի հետ կապելու մասին: Դա, կարծում եմ, առաջին հարվածը եղավ վավերացման տանող տրամադրվածության համար: Հետո ՀՀ Սահմանադրական դատարանի որոշումն ընդունվեց, և գործընթացը դանդաղեց ու կորցրեց մղումը: Գործընթացը կանգնած կմնա դեռ երկար. Թուրքիայում ընտրություններ են շուտով, Հայաստանում ընտրություններ են լինելու 2012թ.-ին: Սակայն հասարակությունների մեջ էական փոփոխություններ կան, դա հուսադրող է, որ գործընթացը կվերսկսվի, իմ կարծիքով, նոր փաստաթղթի ստորագրմամբ:

Բաժիններ
Ուղիղ
Լրահոս
Որոնում