«Մենք այսօր գտնվում ենք մեր ընդհանուր տանը՝ հայերի և եվրոպացիների տանը, քանի որ Հայաստանը Եվրոպա է: Դուք ԵՄ համար կարևոր հարևան եք»,- այսօր ԱԺ-ում տեղի ունեցած համատեղ մամուլի ասուլիսում հայտարարեց Եվրախորհրդարանի նախագահ Եժի Բուզեկը։
Նա նշեց, որՀարավային Կովկասը, ՀայաստանըԵՄ համար շատ կարևոր հարևաններ են, ապա մեջբերեց աշխարհահռչակ հայազգի շանսոնյե Շառլ Ազնավուրի խոսքերը` «Ձմռանից հետո կյանքի ծառը կծաղկիքեզ համար,Հայաստան»։
Անդրադառնալով Ղարաբաղյան խնդրին`Ե.Բուզեկն ասաց. «Մենք չենք ճանաչում Լեռնային Ղարաբաղըորպես միավոր, մենք միշտ պաշտպանում ենք երկրների տարածքային ամբողջականությունը: Մյուս կողմից, մենք չպետք է մոռանանք հասարակ մարդկանց հիմնական կարիքների մասին, որտեղ էլ նրանք ապրեն: Ինչ վերաբերում է հասարակ մարդկանց կարիքներին՝ կապված ազատ տեղաշարժի, ապահովագրության և այլ խնդիրների հետ, Եվրախորհրդարանը պատրաստ է աջակցել, որպեսզի պատերազմներ չլինեն, սա՛ է Եվրախորհրդարանի քաղաքականությունը»:
ԱյնուհետևԵ.Բուզեկը շարունակեց. «Եթե մենք ցանկանում ենք ապագայում համապարփակ լուծում գտնվի` ղարաբաղյան հակամարտության կարգավորման հասնելու համար հարկավոր է նախապատրաստել հակամարտող կողմերի հասարակություններին: Դա ձեզ չպետք է անհանգստացնի, քանի որ մեզ համար վճռորոշ է հանրային կարծիքը խաղաղության գործընթացում: Մենք բոլորս ցանկանում ենք ապրել խաղաղության և կայունության մեջ»:
