Այսօր Սանկտ Պետերբուրգի օրենսդիր մարմինը, որտեղից գործուղված էր Ռուսաստանի խորհրդարանի Վերին պալատի նախագահ Սերգեյ Միրոնովը, որոշում է կայացրել ետ կանչել նրան: Ընդ որում՝ Ռուսաստանի հյուսիսային մայրաքաղաքի օրենսդիր մարմնում Միրոնովի դեմ է հանդես եկել նրա հարազատ կուսակցության խմբակցությունը: Այս մասին հաղորդում է Interfax գործակալությունը:
Հետկանչման պատճառն իշխող «Եդինայա Ռոսիայի» դեմ վերջերս Միրոնովի կողմից անընդհատ հնչող քննադատությունն է: Իսկ այսօրվա քվեարկությունից առաջ Միրոնովն ասել էր, որ պատրաստվում է ընտվել Պետդումայի պատգամավոր: Հայտնի է, որ Միրոնովը չի մնացել մինչև քվեարկությունը և լքել է դահլիճը:
Մինչ այդ քվեարկությունը, Միրոնովի հետ կապված խնդիրը մեկնաբանել է ՌԴ նախագահը: Նա ասել է, որ դա նորմալ երևույթ է, իշխող կուսակցությունն իրացնում է մեծամասնության իր առավելությունները և հրաժարվում իրեն քննադատողներից: Նա այս գործընթացը դրական է գնահատել՝ ասելով, որ Միրոնովը կարող է տեղ զբաղեցնել ընդդիմությունում:
