Սկանդալային TMZ.com կայքը հրապարակել է Կալիֆոռնիայի նահանգապետ Առնոլդ Շվարցենեգերի երեխայի մոր նկարները։ Հիշեցնենք՝ օրերս հայտնի էր դարձել, որ Շվարցենեգերն իրենց տան սպասուհուց ունեցել էր ապօրինի զավակ, որի մասին մի քանի տարի անց հայտնել էր կնոջը, ինչն էլ նրանց ամուսնալուծության պատճառ էր դարձել։
MySpace սոցիալական ցանցում նույնպես հայտնվել են Շվարցենեգերի տան սպասուհի Միլդրեդ Պատրիսիա Բաենայի և նրա որդու, որն իբր «Տերմինատորից» է, նկարները։
Նորից սկսվել են խոսակցություններն այն մասին, որ, բացի այս կնոջից, Շվարցենեգերը երեխա է ունեցել նաև իր բորտուղկցորդուհի Թեմի Բեյքեր Թուսինյանից։ The Daily Mail-ը նորից արծարծել է այս խնդիրը, որն առաջին անգամ հայտնվել էր մամուլում 2003 թ.։ Այն ժամանակ տեղեկություններ էին տարածվել, թե Թուսինյանի տղան Շվարցենեգերից է, ինչի մասին, ըստ որոշ աղբյուրների, խոստովանել է հենց ինքը՝ Թեմին՝ պատմելով ընկերուհիներին։ Հայտնի չէ՝ արդյոք Թուսինյանը կնո՞ջ ազգանունն է, թե՞ նրա ամուսնու։
Այսօր նաև հայտնի է դարձել, որ Շվարցենեգերի օրինական որդին փոխել է իր ազգանունը՝ վերցնելով մոր ազգանունը, և այդ մասին հայտնել է Twitter սոցիալական ցանցում։ «Պատրաստ եղեք իմ նոր անվանը»,- ավելի վաղ գրել էր նա։
Նկարում շիկահեր կինը Թեմի Բեյքեր Թուսինյանն է։