Աշխարհի խոշորագույն արտահանողը՝ պետական նավթագազային Saudi Aramco-ն, արաբական թեթև նավթի մեկ բարելի գինը ասիացի գնորդների համար բարձրացրել է 90 ցենտով, իսկ ամերիկացիների համար՝ 50 ցենտով: Այս մասին հայտնում է Bloomberg-ը:
Միաժամանակ, Ասիայի համար արաբական նավթի գինը դեռևս 20 ցենտով էժան է տարածաշրջանային հենանիշից՝ նշում է գործակալությունը:
Մերձավորարևելյան նավթի մյուս տեսակների համար գներն ասիական շուկայի համար բարձրացել են 70-95 ցենտով մեկ բարելի դիմաց, ամերիկյանի համար՝ 20-30 ցենտով: Միաժամանակ, թագավորությունն իջեցրել է գները հյուսիսեվրոպացի և միջերկրածովյան շրջանի գնորդների համար: Գների փոփոխությունները վերաբերում են հոկտեմբերյան մատակարարումներին: