Մայիսի 17-ին՝ ժամը 21:30-ի սահմաններում Երևան քաղաքի Արցախի պողոտայի թիվ 24 շենքի հարակից տարածքում տեղի ունեցած խոշոր վթարի արդյունքում զոհվել են 4, վիրավորվել` 9 մարդ, որոնցից մեկը 7-ամյա երեխա է:
Այս մասին այսօր «Առաջին լրատվական»-ի հետ զրույցում ասաց ՃՈ առաջին սպայական գումարտակի հրամանատար, ոստիկանության մայոր Արսեն Սուրենի Մարտոյանը:
Առայժմ զոհվածներից միայն երկուսի անուններն են հայտնի` «Մերսեդես» մակնիշի 23 ՍԼ 673 պետհամարանիշի ավտոմեքենայի վարորդ 1987թ.-ին ծնված Սերգեյ Բաղշյանի և ԳԱԶել» մակնիշի 3456 Տ պետհամարանիշի մեքենայի վարորդ 1949 թ. ծնված Աշոտ Գուրգենի Հովհաննիսյանը:
Տարբեր աստիճանի մարմնական վնասվածքներով Երևան քաղաքի «Էրեբունի» բժշկական կենտրոն են տեղափոխվել 9 ուղևոր. Երևան քաղաքի բնակիչներ, 1957թ.-ին ծնված Վալերի Պետրոսյանը, 1957թ.-ին ծնված Հովսեփ Փափազյանը, 1978թ.-ին ծնված Աննա Խաչատրյանը, 1996թ.-ին ծնված Մարիաննա Մուրադյանը, 1991թ.-ն ծնված Հռիփսիմե Ստեփանյանը, Սիսիան քաղաքի բնակիչներ, 2004թ.-ին ծնված Գոռ Հայրապետյանը և 1990թ.-ին ծնված Գեղամ Գաբրիելյանը, Գյումրի քաղաքի բնակիչ, 1984թ.-ին ծնված Մուշեղ Գևորգյանը և Արագածոտնի մարզի Արագած գյուղի բնակիչ, 1993թ.-ին ծնված Գոռ Պապոյանը։
