Սիրիական բանակը և աշխարհազորը դաժան մարտեր են մղում ավազակային խմբավորումների դեմ Հալեպի հարավային արվարձաններում: Ինչպես չորեքշաբթի հայտնել է Al Watan պարբերականը՝ զորքերն այդ ուղղությամբ հետ են մղել թշնամու 7 հաջորդական հարձակում և կարողացել են կրակով փակել քաղաքի արևելյան արվարձաններ տանող ճանապարհը:
Պարբերականի տվյալներով՝ այդ ուղղությամբ ոչնչացվել է 25 ահաբեկիչ, որոնց մեջ է «Ահրար աշ-Շամ» խմբավորման բրիգադի դաշտային հրամանատար Մաջիդ Շաուան:
Այսօր կառավարական ուժերը Համա մարզկենտրոնի արվարձաններում անցել են հակահարձակման և վերադարձրել են Էլ-Բուեյզա բնակավայրի վերահսկողությունը: Օպերացիայի ընթացքում սպանվել է 17 ահաբեկիչ:
