Независимая газета-ի փոխանցմամբ, քառօրյա պաշտոնական այցով Ադրբեջան այցելած Չեխիայի նախագահ Վացլավ Կլաուսի բանակցությունների գլխավոր թեմաներից մեկը եղել է ադրբեջանական գազի ստացումը:
Ադրբեջանական այցի նախօրեին ադրբեջանական Trend լրատվական գործակալությանը տված հարցազրույցի ժամանակ Կլաուսը նշել է, թե քանի որ իր երկիրը սեփական գազային պաշարներ չունի, ուստիև իրենք մեծապես շահագրգռված են ադրբեջանական գազի ներկրմամբ.
«Մենք աջակցում ենք «Հարավային գազային միջանցքի» նախագծերին և Nabucco գազամուղի նախագծին: Չեխիայի նավթային կարիքների 20 տոկոսը բավարարում է ադրբեջանական նավթը: Հնարավոր է` այս ցուցանիշը շուտով աճի:
Չնայած Ադրբեջանի հետ տնտեսական կապերը միայն վերջերս են ստացել կայուն բնույթ, Ադրբեջանը դարձել է Չեխիայի խոշորագույն գործընկերը Հարավային Կովկասում:
Չեխիան Ադրբեջան է արտահանում շինարարական և բեռնատար մեքենաներ, կամուրջների կառուցման տարրեր, գրամեքենաներ, դեղորայք, կոսմետիկ միջոցներ, ապակյա գործեր, և ներմուծում է նավթ, բամբակ, պնդուկ»:
Հիշեցնենք, որ երկու երկրների միջև դիվանագիտական հարաբերությունները հաստատվել են 1993 թվականին:
