Heineken գարեջրի գովազդի համար ստեղծել են բացիչ` ներդված Bluetooth-ով, որը Facebook-ի միջոցով հայտնում է տոնախմբության մեկնարկի մասին: Այս մասին հայտնում է TrendHunter գործակալությունը:
Heineken գարեջրի նոր գովազդային արշավի շրջանակներում, որն ունի The Invite («Հրավեր») անվանումը, ուսանող-գովազդողները գարեջրի սիրահարներին առաջարկում են միաժամանակ բացել շիշը և ընկերներին հրավիրել տոնախմբության: Հենց որ նոր բացիչի շնորհիվ մարդը հանում է Heineken-ի խցանը, բացիչը Bluetooth-ի օգնությամբ նրա էջում տեղադրում է մի հայտարարություն այն մասին, որ բացիչի տերը ինչ-որ տեղ սկսել է Heineken գարեջուր խմել: Տոնախմբությանը, որը պարբերաբար անցկացվում է գարեջուր արտադրող այդ ընկերության կողմից, միաժամանակ ավտոմատ հրավիրվում են բոլոր այն ընկերները, որոնք ապրում են նույն քաղաքում:
Բացի այդ, գովազդային ակցիայի շրջանակներում տեղի է ունենում Heineken գարեջրի մեկ կապոցի ամենշաբաթյա խաղարկություն: Այն իրականցվում է Facebook-ից ամենաշատ ընկերներ հրավիրած մարդկանց միջև:
Heineken-ը բազմիցս է իրականցնել օրիգինալ գովազդային ակցիաներ: Այսպես, Playboy ամսագրի մայիսյան համարում հայտնվել էր բրենդի ձայնային գովազդ: Իսկ 2010 թ. օգոստոսին Heineken-ը YouTube-ում տեղադրել էր մի տեսահոլովակ, որը մինչև այժմ դիտել է ավելի քան 780 հազար մարդ: