Տեքստ
Վրացական Apsny.ge կայքի փոխանցմամբ, Վրաստանի նախագահ Միխեիլ Սաակաշվիլին այս շաբաթ այցելելու է Հունգարիա: Այս մասին այսօր հայտարարել է Վրաստանի նախագահի մամլո քարտուղար Մանանա Մանջգալաձեն:
Ենթադրվում է, որ Սաակաշվիլին Բուդապեշտ կայցելի մայիսի 20-ին: Այժմ ճշգրտվում է նրա հանդիպումների գրաֆիկը:
Մանջգալաձեն նաև հայտնել է, որ այս շաբաթ Վրաստան են ժամանելու Շվեյցարիայի նախագահն ու Եվրախորհրդարանի նախագահ Եժի Բուզեկը, որոնց ընդունելու է Սաակաշվիլին։ Քննարկվելու են Շվեյցարիայի ու ԵՄ-ի հետ Վրաստանի հարաբերությունները:
Հիշեցնենք, որ մայիսի սկզբին Թբիլիսիի ու Բուդապեշտի քաղաքապետերը հուշագիր են ստորագրել երկու քաղաքների միջև հատուկ հարաբերություններ հաստատելու մասին: