«Թուրքիայի և Ռուսաստանի հարաբերություններն ի սկզբանե վատ չեն եղել: Տեղ է գտել զիգզագը՝ կապված ռուսական ինքնաթեռի նոյեմբերյան ճգնաժամի հետ: 7-8 ամիս անց մենք միջոցներ ձեռնարկեցինք այդ անիմաստ ճգնաժամի վերացման համար, քանի որ ճգնաժամը հակասում էր թուրք և ռուս ժողովուրդների ցանկությանը»,- ասել է Թուրքիայի վարչապետ Բինալի Յըլդըրըմը մի խումբ արտասահմանցի լրագրողների հետ Ստամբուլում զրույցի ժամանակ: Այդ մասին հայտնում է Anadolu պարբերականը: «Որոշում է ընդունվել, մենք կշարունակենք զարգացնել Ռուսաստանի հետ հարաբերությունները»,- նշել է նա:
Լրագրողներից մեկի այն հարցին, թե ռուսական կողմը դիմե՞լ է Թուրքիայի հարավային «Ինջիրլիք» բազայի օգտագործման պահանջով, նա պատասխանել է. «Այդ տեղեկությունը ճիշտ չէ, սակայն անհրաժեշտության դեպքում «Ինջիրլիք» բազան կօգտագործվի»:
Նա նշել է, որ Ադանայի շրջանում այդ ավիաբազան բացվել է Սիրիայի խնդիրները լուծելու համար ոչ միայն ԱՄՆ-ի, այլ նաև այլ երկրների կողմից:
