Հարավկովկասյան երկաթգիծը ներդրել է տոմսերի վաճառքի նոր` ավտոմատացված համակարգ` նույն տոմսի բազմակի վաճառքը և այլ նման խախտումները կանխելու համար: Այսօր Երևանի երկաթուղային կայարանում տեղի ունեցավ նոր համակարգի շնորհանդեսը, որին մասնակցեց նաև ՀՀ տրանսպորտի և կապի նախարար Մանուկ Վարդանյանը: «Մենք քննարկումներ են սկսել այս համակարգը նաև ավտոբուսների տոմսերի վաճառքի համար օգտագործելու համար: Սրա շնորհիվ սպասարկման մակարդակը զգալիորեն բարելավվում է»,- կարծիք է հայտնում Մանուկ Վարդանյանը:
Նոր համակարգը կշահագործվի հունիսի 15-ից: Տոմսերի վաճառքի ավտոմատացված համակարգի ներդրման հետ կապված` տոմսի արժեքի մեջ ներառվել է ապահովագրական վճար` մոտ 200 և 250 դրամ Բաթում և Թբիլիսի ուղղությունների համար համապատասխանաբար:
«ՀԿԵ» ՓԲԸ գլխավոր տնօրենի առաջին տեղակալ Մարատ Խարկովի խոսքով, հավանաբար, տոմսերի արժեքը կավելանա մոտ 200 դրամով ևս` կապված շվեյցարական ֆրանկի գնի փոփոխության հետ, սակայն «ՀԿԵ» որևէ այլ թանկացում չի նախատեսում:
Շուտով հնարավոր կլինի գնացքի տոմսեր պատվիրել նաև օնլայն ռեժիմով: