Ադրբեջանական 1News.az կայքի փոխանցմամբ, Եվրախորհրդարանի նախագահ Եժի Բուզեկը մայիսի 16-ին լեհական Կատովիցե քաղաքում մասնակցել է եվրոպական տնտեսական կոնֆերանսին և անդրադարձ է կատարել ԵՄ-ի «Արևելյան գործընկերություն» ծրագրին.
«Արևելքում մեր մերձակա հարևանները սպասում են մեր աջակցությանը: Մենք ունենք «Արևելյան գործընկերություն» ծրագիրը և ցանկանում ենք դրանում ամբողջովին ներգրավել Հայաստանը, Մոլդովան, Ուկրաինան, Վրաստանը, Ադրբեջանը: Մեր հաշվարկներով` այդ երկրներին կմիանա նաև Բելառուսը»:
Հիշեցնենք, որ «Արևելյան գործընկերություն» ծրագիրը միտված է նրան, որ Հայաստանը, Ադրբեջանը, Վրաստանը, Մոլդովան, Բելառուսը և Ուկրաինան էլ ավելի մերձեցնի ԵՄ-ին:
Թեև այն իրենից չի ենթադրում անդամակցություն ԵՄ-ին, այնուամենայնիվ, նախատեսում է քաղաքական ու տնտեսական մերձեցում: Այս ծրագրի մեկնարկը տրվեց 2009 թվականի մայիսի 7-ին Պրագայում կայացած ԵՄ-ի գագաթնաժողովում: