Մայիսի 16-ին եվրագոտու ֆինանսների նախարարները (Եվրախումբ) նիստի ժամանակ հաստատել են Պորտուգալիային հատկացվելիք 78 մլրդ դոլարի օգնությունը: Այս մասին հաղորդում է Bloomberg գործակալությունը:
ԵՄ-ն այս օգնության երկու երրորդը պատրաստվում է հատկացնել ինքը, իսկ մեկ երրորդը կտրամադրի Արժույթի միջազգային հիմնադրամը: Այժմ անհրաժեշտ է, որ այս օգնության հատկացումը հաստատվի ԱՄՀ-ի և Եվրոպական կենտրոնական բանկի կողմից, ինչը նախատեսված է իրականացնել մինչև 2011 թ. մայիսի 25-ը:
Հիշեցնենք, որ եվրագոտու միանգամից երեք երկիր կանգնել են բանկային լրջագույն ճգնաժամի առջև, որը հաղթահարելու համար անհրաժեշտ եղավ Եվրամիության և Արժույթի միջազգային հիմնադրամի միջամտությունը: Պորտուգալիան օգնության համար դիմել էր ապրիլին, ավելի վաղ նման խնդրանքով հանդես էին եկել Հունաստանն ու Իռլանդիան:
