Հուլիս 7-ից հանրապետությունում գազի գինը թանկացել է 24 դրամով, իսկ էլեկտրաէներգիայինը՝ 8 դրամով: «Հետքի» փոխանցմամբ՝ Էջմիածնում արդեն իրարանցում է, որովհետև գազի գնի թանկացման հետևանքով թանկացել է Էջմիածին-Երևան մասնավոր տաքսիների ուղեվարձը, որոնցից հիմնականում օգտվում են աշխատանքի կամ դասի շտապողները: Մինչև ամսի 7-ը 4 հոգով տաքսիով Երևան գալու համար յուրաքանչյուրը վճարում էր 300 դրամ, իսկ թանկացումից հետո` 400 դրամ: Իսկ ժամը 19-ից հետո նույն մարդկանց Երևանից Էջմիածին են բերում արդեն 500 դրամով:
Սա լուրջ հարված է հատկապես ամեն օր Երևան գնացողների համար, քանի որ աշխատավարձը չի բարձրացել, սակայն ուղևորափոխադրողներն ստիպված են նախկինի համեմատ ավել վճարել:
Ուղեվարձը թանկացրել են նաև տաքսի ընկերությունները: Երեկվանից «33» տաքսի սերվիսի ավտոմեքենաներով Երևան հասնելու համար ուղևորը նախկին 2000 դրամի փոխարեն այժմ վճարում է 2500 դրամ:
Նյութն ամբողջությամբ կարդացեք «Հետք»-ում:
