Ինչպես հաղորդում է Bloomberg գործակալությունը, Սինգապուրի առաջին վարչապետ և «տնտեսական հրաշքի» հեղինակ Լի Կուան Յուն հայտարարել է խորհրդատու-նախարարի պաշտոնից հրաժարական տալու մասին:
Լի Կուան Յուն վարչապետի պաշտոնը զբաղեցնում է 1959-1990թթ., 1990-2004թթ. նա զբաղեցրել է ավագ նախարարի պաշտոնը, իսկ 2004-ից մինչև այսօր զբաղեցնում էր խորհրդատու նախարարի պաշտոնը, որը հատուկ ստեղծվել էր նրա համար: Ներկայիս կառավարությունը գլխավորում է նրա որդին` Լի Սինլունան:
Լի Կուան Յուի իրականացրած տնտեսական բարեփոխումների ծրագիրը թույլ է տվել այդ երկրին աշխարհի ամենաաղքատ երկրից դառնալ Հարավարևելյան Ասիայի ամենազարգացող պետություններից մեկը: Ըստ Լի Կուան Յուի` ինքը թոշակի է գնում, որպեսզի «ճանապարհ հարթի երիտասարդների համար»: «Եկել է ժամանակը, երբ երիտասարդ սերունդը պետք է Սինգապուրն առաջ մղի գոյություն ունեցող դժվարությունների միջով», ասել է նա: