Այսօր Սերժ Սարգսյանի եղբայր ԱԺ պատգամավոր Սաշիկ Սարգսյանը իր հայհոյանքների պաշարը ԱԺ-ում շռայլել է իրենից մեկնաբանություն խնդրող լրագրողուհիներից՝ Մարինե Խառատյանի հասցեին:
Լրագրողը ԱԺ միջանցքում հանդիպելով մոտեցել է և հարց ուղղել, թե պատրաստվո՞ւմ է արդյոք առաջադրվել առաջիկա խորհրդարանական ընտրություններում: Սաշիկ Սարգսյանը բորբոքված խլել է լրագրողի ձայնագրիչը, բոլոր հնարավոր կոճակները սեղմելով անջատել այն` նշելով հանդերձ, թե «ի՞նչ իրավունք ունես ինձ հարց տաս»:
Լրագրողը փորձել է բացատրել, որ ԱԺ պատգամավորին ԱԺ-ում հնարավոր է և հարցեր ուղղվեն: Սաշիկ Սարգսյանն անցել է վիրավորանքների ու հայհոյանքների: Երբ լրագրողը նրան կարգի է հրավիրել` ասելով, թե «ձեզ կոռեկտ պահեք լրագրողի հետ զրուցում», Սաշիկ Սարգսյանը փորձել է հարձակվել լրագրողի վրա ԱԺ գրադարանի մերձակա միջանցքում:
Դեպքին ականատես ԱԺ աշխատակիցներից մեկը կարողացել է կանխել հարձակումը, սակայն ՀՀԿ խմբակցության ղեկավար Գալուստ Սահակյանը չի միջամտել:
Ի դեպ լրագրողը պատրաստվում է միջադեպի ձայնագրությունը ուղարկել նախագահական: Իսկ տվյալ ձայնագրությունը, ըստ լրագրողի ձայնագրության հետևյալ բովանդակությունը ունի: Սաշիկ Սարգսյանն իրեն հարց ուղղած լրագրողին անվանել է լկտի, որից հետո լրագրողը արձագանքել է «Ես ընդամենը հարց եմ տալիս ձեր քաղաքական ապագայի առթիվ, չեք ուզում, մի պատասխանեք, լկտին ո՞րն ա»: «Քեզի էս էր պե՞տք, ստացել ես, դե ռադտ քաշի գնա»: «Ձեզ կոռեկտ պահեք, դուք իրավունք չունեք լրագրողի հետ էդպես խոսել»: «Չի երևում, որ ուղարկել են էս շանը, որ …»: «Շունը ինքներդ եք»:
Ապա Աժ պատգամավորը սեռական բնույթի հայհոյանքներ է տեղացրել և փորձել է հարձակվել լրագրողի վրա: