Ֆորբս հանդեսի տվյալներով, փոփ երգչուհիներ Բրիթնի Սփիրսը, Բիյոնսեն, Լեդի Գագան և Մադոննան Հոլիվուդի ամենաթանկ կանանց ցանկում են հայտնվել:
Առաջին տեղում է ամերիկյան հեռուստատեսության աստղ, հաղորդավարուհի Օփրա Ուինֆրին, որը ունի սեփական ռադիոկայան և ամսագիր: 2009թ. հունիսի 1-ից մինչև 2010թ. հունիսի 1-ը նա վաստակել է 315 միլիոն դոլար գումար: Երկրորդ տեղում է Բիյոնսեն, որը իր համերգային շրջագայություններով և գովազդային պայմանագրերով նույն ժամանակաշրջանում վաստակել է 86 միլիոն դոլար: Եռյակը ամփոփում է Բրիթնի Սփիրսը, որը վաստակել է 64 միլիոն դոլար գումար: Չորրորդ և հինգերորդ տեղում են հայտնվել Լեդի Գագան՝ 62 միլիոն և Մադոննան՝ 58 միլիոն դոլար եկամուտով: Ընդհանուր առմամբ, հարուստ կանայք Հոլիվուդում մեկ տարում վաստակել են 835 միլիոն դոլար:
