Այսօր Արժույթի միջազգային հիմնադրամի ղեկավար Դոմինիկ Ստրոս Կանի փաստաբանը ֆրանսիական ռադիոյին տված հարցազրույցում ասել է, որ այն պահին, երբ ըստ մեղադրական կողմի, Ստրոս Կանը հանցանք է գործել, նա իր դստեր հետ ճաշելիս է եղել ռեստորանում:
Նրա խոսքերով, Ստրոս Կանը վճարել է հյուրանոցի համար, դուրս է եկել հյուրանոցից կեսօրին: Նա մեկնել է դստեր հետ հանդիպման, որից հետո պատրաստվում էր մեկնել Եվրոպա: Այդպիսով, նշել է փաստաբանը, որը չի ցանկացել ներկայանալ, նա չէր կարող հանցանքի պահին լինել հյուրանոցում, որտեղ, ինչպես հայտարարել է սպասուհին, նա փորձել է բռնաբարել իրեն: Այս մասին հաղորդում է Reuters գործակալությունը:
Փաստաբանը նաև հավելել է, որ իրենց տրամադրության տակ ունեն այդ ամենի փաստական ապացույցները, ինչպես նաև վկաների ցուցմունքներ:
Հիշեցնենք, որ ԱՄՀ ղեկավարը ձերբակալվել է երեկ Նյու Յորքի օդանավակայանում, երբ պատրաստվում էր թռչել Եվրոպա: Նրան մեղադրել են այդ քաղաքի հյուրանոցներից մեկում սպասուհուն բռնաբարելու փորձ կատարելու մեջ:
