Վերջին կես դարի ընթացքում շատ է գրվել և խոսվել 1947թ. ԱՄՆ Նյու Մեքսիկո նահանգում տեղի ունեցած միջադեպի մասին, երբ այստեղ կործանվել է «չբացահայտված թռչող օբյեկտ», որտեղից ամերիկացիները «այլմոլորակայինների» դիակներ են հանել:
Ամերիկացի հետազոտող Էննի Յակոբսենը հայտարարել է, որ այդ ՉԹՕ-ն իրականում ուղարկված է եղել Խորհրդային Միության կողմից: Յակոբսենի գիրքը, որտեղ հնչել է այդ միտքը, վերնագրված է Area 51: Այսպես է կոչվում այն ենթադրյալ ռազմաբազան, ուր «տեղափոխել են այլմոլորակայինների կործանված փոխադրամիջոցը»: Այս ամսին գրում է The Daily Telegraph-ը:
Հեղինակը պնդում է, որ ոչ մի այլմոլորակայիններ էլ չեն եղել, իսկ այս ամենը կազմակերպվել է Ստալինի կողմից: Յակոբսենը պնդում է, որ այնպես, ինչպես 1938 թ. ռադիոլսողները խուճապի էին մատնվել Հերբերտ Ուելսի «Աշխարհների պատերազմը» վեպի ռադիոբեմադրումից, այնպես էլ այդ ժամանակ Ստալինը ցանկանում էր նույն էֆեկտը ստանալ:
Գերմանիայում հայտնաբերված Horton Ho 229 ռեակտիվ ինքնաթիռը իբր Ստալինը պատերազմից հետո ուղղել էր դեպի ԱՄՆ` այլմոլորակայինների գալստյան մասին պատմություններով ամերիկացիներին խուճապի մատնելու համար: Իսկ այլմոլորակայինների փոխարեն ինքնաթիռի մեջ էին դրել 12-13 տարեկան երեխաների, որոնց, ըստ որոշ տվյալների, այլանդակել էր ռազմական հանցագործ դոկտոր Մենգելեն, որն ապաստան էր գտել ԽՍՀՄ-ում: Այդ այլանդակված պատանիներն էլ պետք է ներկայացվեին որպես այլմոլորակայիններ:
Սակայն այս «ՉԹՕ»-ն հասնելով ԱՄն տարածք, կործանվել էր՝ ընկելով ցիկլոնի մեջ: Յակոբսենի մատուցմամբ՝ այս տեղեկություններն իրեն հայտնել է մի ինժեներ, որը ժամանակին աշխատել էր ամերիկյան գաղտնի նախագծերում: Ամերիկյան պաշտոնական աղբյուրներն այս տեղեկությունները դեռ չեն մեկնաբանել: