Ռուսաստանի արտաքին գործերի նախարար Սերգեյ Լավրովը հայտարարել է, որ Լիբիայի ապստամբների պատվիրակությունը պատրաստվում էր ժամանել Մոսկվա, սակայն այցը հետաձգվել է լիբիացիների նախաձեռնությամբ: Այս մասին հաղորդում է RIA-Novosti գործակալությունը:
«Ցավոք, մենք տեղեկություն ստացանք, որ Բենղազիի ապստամբների ներկայացուցիչները, որոնք Մոսկվայում հանդիպումներ անցկացնելու խնդրանքով էին հանդես եկել, տեխնիկական պատճառներով ստիպված էին հետաձգել իրենց այցն այստեղ: Հուսով եմ, որ մոտ ժամանակներս նրանք, ի վերջո֊ այստեղ` Մոսկվայում, մեզ հետ նման հանդիպում կանցկացնեն»,- ասել է ՌԴ արտգործնախարարը Նամիբիայի արտգործնախարարի հետ հանդիպումից հետո:
Լավրովի այս հայտարարություններում Ռուսաստանի դիրքրոշման որոշակի փոփոխություն է նկատվում, քանի որ մի քանի շաբաթ շարունակ ՌԴ արտգործնախարարը բազմիցս քննադատում էր միջազգային հանրությանը Լիբիայում իրականացվող օպերացիայում հակամարտության մեկ կողմին` ապստամբներին պաշտպանելու համար: