Բրիտանական The Telegraph-ը գրում է, որ 2006 թ. իսրայելական գաղտնի ծառայությունը` «Մոսադը», գաղտնի և հանդուգն օպերացիա է իրականացրել Մեծ Բրիտանիայի մայրաքաղաքում: Այս գործողությանը մասնակցել է «Մոսադի» 10 աշխատակից:
Իսրայելական ծառայությունը տեղեկություններ է ստացել, որ Լոնդոն է ժամանում Սիրիայի միջուկային ծրագրի ներկայացուցիչներից մեկը, սակայն՝ այլ անունով: Լոնդոն ժամանած իսրայելցի «դիտորդները» հետևել են սիրիացուն, որը Սիրիայի դեսպանատանը պաշտոնական հանդիպումներից հետո մեկնել է քաղաքի կենտրոն` գնումներ իրականացնելու:
Այդ ժամանակ «Մոսադի» աշխատակիցները կոտրել են հյուրանոցում նրա համարի դուռը, ներբեռնել գաղտնի տեղեկությունները նրա համակարգչից, տեղադրել «տրոյական» ծրագիր, որը հետագայում նրա համակարգչից ողջ տեղեկությունը փոխանցել է իսրայելցիներին:
Թերթը նշում է, որ եթե իսրայելցիներին չհաջողվեր հասնել նրա համակարգչին, սիրիացուն ուղղակի կսպանեին, այնպես, ինչպես դա եղավ ՀԱՄԱՍ-ի ներկայացուցչի հետ Դուբայում 2009 թ.: Հենց այս համակարգչի տեղեկությունների շնորհիվ իսրայելցիներին հաջողվել է պարզել Դեյր Էզ-Զորում գտնվող միջուկային կենտրոնի տեղը և ռմբակոծել այն:
