1946թ. հուլիսի 5-ին ֆրանսիացի մոդելյոր Լուի Ռեարը (Louis Reard) աշխարհին ներկայացրեց առաջին մինի լողազգեստը, որը նա անվանեց բիկինի: Հենց այդ օրն է համարվում բիկինիի ծննդյան օր՝ հայտնում է RIA Novosti-ն:
Ռեարը իր ծանոթ Casino de Paris-ի պարուհի Միշելին Բերնադինիին համոզել էր հանրությանը ներկայացնել երկու մասից բաղկացած լողազգեստը:
Զգեստն այնքան բաց էր, որ պրոֆեսիոնալ մանեկենուհիները հրաժարվել էին դրանով բեմ դուրս գալ: Լողազգեստի շնորհանդեսը տեղի էր ունեցել Փարիզի Piscine Molitor լողավազանում:
Բիկինին կանացի լողազգեստի բաց տեսակն է, որը բաղկացած է երկու մասից: Պատմաբաններն ու հնագետները ենթադրում են, որ բիկինի տեսակի լողազգեստները գոյություն են ունեցել դեռ Հռոմեական կայսրության ժամանակներում:
3-4-րդ դարերում Սիցիլիայում Villa Romana del Casale-ում հայտնաբերված խճանկարներում ցուցադրված են մի քանի հռոմեացի մարմնամարզուհիներ, որոնք հագել են բիկինի:
Բիկինիի ստեղծումն աշխուժորեն քննարկվել է ամբողջ աշխարհում: Կաթոլիկական երկրներում, ինչպիսիք են Իսպանիան, Պորտուգալիան, Իտալիան, բիկինին արգելվում էր:
Անհրաժեշտ եղավ ավելի քան տասը տարի, մինչև որ բիկինին դադարեց շոկի մատնել հանրությանն ու մուտք գործեց նորաձևություն:
