Համաշխարհային բանկը Կանադայից մատակարարումների խափանումների և Նիգերիայում նավթային ենթակառուցվածքի հետ կապված խնդիրների պատճառով ավելացած պահանջարկի ֆոնին 2 դոլարով բարձրացրել է 2016 թ. նավթի միջին գնի կանխատեսումը մինչև 43 դոլար մեկ բարելի դիմաց: Այս մասին հայտնում է korrespondent.net-ը՝ վկայակոչելով բանկի հաղորդագրությունը:
«Համաշխարհային բանկը բարձրանում է 2016 թ. հում նավթի գների իր կանխատեսումը 41 դոլարից մինչև 43 դոլար մեկ բարելի դիմաց երկրորդ եռամսյակում մատակարարումների կրճատումների և պահանջարկի աճի արդյունքում»,- ասվում է հաղորդագրության մեջ:
«Նավթի գները 37%-ով աճել են 2016 թ. երկրորդ եռամսյակում մատակարարումների խափանումների հետևանքով հիմնականում Կանադայում հրդեհների և Նիգերիայում նավթային ենթակառուցվածքի հետ կապված խնդիրների պատճառով: Վերանայված կանխատեսումը նկատի է առնում վերջերս պահանջարկի վերականգնումը և (նավթի) որոշ դադարեցված մատակարարումների վերսկսումը»,- նշել են բանկում: