Ռուսական «Ֆինանս» պարբերականը հաշվել է, թե որքան գումար ունեն Ռուսաստանի ամենահարուստ ընտանիքները: Ըստ այդմ պարզվել է, որ Ռուսաստանի ամենահարուստ գործարար ընտանիքը Անանև եղբայրներն են, որոնք այս ցուցակում շրջանցել են Գուցերիև ընտանիքին: «Պրոմսվյազբանկ»-ի ղեկավար Ալեքսեյ Անանևի և նրա եղբոր` Դմիտրիի համատեղ կարողությունը կազմում է 6.5 մլրդ դոլար: Նրանց կապիտալի աճն մեկ տարվա ընթացքում կազմել է 41%:
«Ռոսնեֆտ» ընկերության սեփականատեր Գուցերիև ընտանիքի կարողությունն աճել է 17%-ով` կազմելով 5.8 մլրդ դոլար: Սակայն այս ցուցանիշով նրանք նահանջել են մեկ տեղով և զբաղեցնում են երկրորդ հորիզոնականը: Եռյակը եզրափակում են Ռոտբերգ եղբայրները, որոնք իրենց ընկերությունների «Ստրոյգազմոնտաժ», ՍՄՊ-բանկ և «Մոստրեստ» շինարարական ընկերության շնորհիվ ունեն 3.5 մլրդ դոլար:
Հայ գործարարների երեք ըտանիք նույնպես տեղ են զբաղեցնում այս ցուցակում, ընդ որում՝ առաջին 15-յակի մեջ: Ինչպես նախորդ տարի, այս տարի նույնպես «լավագույն հայ ընտանիք» են դարձել Խաչատուրով եղբայրները` Դանիիլն ու Սերգեյը, որոնց պատկանում «Ռոսգոսստրախ» ապահովագրական ընկերությունը: Նրանց կարողությունն աճել է 39%-ով` կազմելով 2.2 մլրդ դոլար: Նախորդ տարվա համեմատ, նրանք նահանջել են երկու կետով: 2 տեղով իջել են նաև Սարկիսով եղբայրները: Նիկոլայի և Սերգեյի կարողությունը նախորդ տարվա համեմատ աճել է 28%-ով` կազմելով 2.0 մլրդ դոլար:
«Տաշիր»-ի Կարապետյան եղբայրներն այս ցուցակում զբաղեցնում են 14-րդ հորիզոնականը: Սամվելի և Վասպուրակի «Տաշիր»-ը նախորդ տարի աճել է 88%-ով` հասնելով 1.28 մլրդ դոլարի: Այս վարկանիշային ցուցակում նրանք վեր են բարձրացել 5 կետով:
