«Հրապարակ»-ի Հավաստի աղբյուրների տեղեկացմամբ, Բալահովիտում (ՀՀ ԶՈւ կապի միջոցների վերանորոգման և պահպանման բազա) տեղակայված զորամասերից մեկում մոտ ապագայում սպասվում է պաշտոնանկությունների հնարավոր շարան: Բազայի հրամանատար փոխգնդապետ Աշոտ Սարգսյանը որոշել է այլևս չերկարացնել ծառայության ժամկետը և անցնել թոշակի, նույն նպատակն ունի նրա տեղակալ մայոր Արթուր Մելքումյանը, ով տեխնիկական գծով պատասխանատուն է:
Անհանգիստ են նաև պահեստների պատասխանատուները: Ուշագրավն այն է, որ բոլորն աշխատում են մեկը մյուսից մեկ քայլ առաջ ընկնել: Նման պահվածքի հնարավոր պատճառներից մեկը, ասում են՝ բազայում վերջին տարիներին առանձնակի խոշոր չափերի հասնող նյութական ունեցվածքի յուրացումն է: Իսկ խոշոր չափերը պայմանավորված են նրանով, որ այդ բազան բանակին կապի միջոցներ մատակարարող և անսարքությունների վերանորոգման կազմակերպման բազան է:
Բացի այդ, այնտեղ է կենտրոնացված բանակի կապի միջոցների ողջ դուրս գրված խմբաքանակը: Խափանված միջոցները պարբերաբար, ծածուկ կերպով գողացվել և թալանվել են, իսկ գայթակղության շարժառիթը նրանց մեջ եղած ռադիոդետալներն են, որոնք խորհրդային արտադրության են, հետևաբար, պատրաստված են թանկարժեք մետաղներից (ոսկի, պալադիում, պլատին, արծաթ և այլն):
Եվս մեկ շատ կարևոր հանգամանք է ստիպել հրամանատարական կազմին լքել «պայթյունավտանգ» զորամասը…
Շարունակությունը կարդացեք «Հրապարակ»-ի այսօրվա համարում:
