ԵՄ անդամ պետություններն իրավունք ունեին մերժել Բոլիվիայի նախագահ Էվո Մորալեսի ինքնաթիռին՝ իրենց տարածքների վրայով թռչելու հարցում։ Նման որոշումներն ընդունվում են ազգային մակարդակով: Միջադեպը, սակայն, պետք է ուսումնասիրվի: Այս մասին հաղորդում է ITAR-TASS-ը՝ վկայակոչելով Եվրահանձնաժողովի պաշտոնական ներկայացուցիչ Հելեն Քերնսին:
«Դեռևս պարզ չէ՝ կոնկրետ ինչ է տեղի ունեցել այս առավոտյան, ինչու են Ֆրանսիանև Պորտուգալիան ինքնաթիռը չընդունելու որոշում ընդունել: Մենք չենք կարող մեկնաբանել տեղի ունեցածն այնքան ժամանակ, մինչև չպարզաբանվեն բոլոր փաստերը»,- նշել է նա:
«Չիկագոյի կոնվենցիայում և ԵՄ-ի նորմերում հստակ նշվում է, որ թռիչքի վերաբերյալ մերժման որոշումը վերաբերում է ինքնիշխանության իրավունքին, այս դեպքում, մասնավորապես՝ Ֆրանսիայի և Պորտուգալիայի»,- հայտարարել է Քերնսը:
