Հսկայական փորող մեքենան` «Մեծ Բեքքին» (Big Becky) մայիսի 13-ին ավարտել է Նիագարա ջրվեժի տակ 10.2 կիլոմետրանոց թունել փորելու աշխատանքները: Կանադական լրատվամիջոցների փոխանցմամբ, թունելը, որը կրում է սըր Ադամ Բեքի անունը, նախատեսված է նոր կառուցվող հիդրոկայանին ջուր մատակարարելու համար:
Այդ թունելի տրամագիծը կազմում է 14.4 մետր, ինչը մեկուկես անգամ ավելի է, քան այն, որը փորված է Լա Մանշի տակ և միացնում է Մեծ Բրիտանիան Եվրոպա մայրցամաքի հետ (այդ թունելի լայնությունը կազմում է 8.6 մետր): Թունելի կառուցման վեջնական աշխատանքները կավարտվեն 2013թ., իսկ ընդհանուր նախագիծը կարժենա 1.6 մլրդ դոլար, ինչը երկու անգամ ավելին է, քան նախատեսված էր աշխատանքների սկզբում:
Տեղեկացնենք, որ «Մեծ Բեքին» աշխատել է 40 մետր խորության վրա: