Ուսամա բեն Լադենի դեմ իրականացված օպերացիայից հետո, ամերիկյան զինվորականները Աբոթաբադում նրա առանձնատանը հայտնաբերել են պոռնոգրաֆիկ նյութեր: Այս մասին Reuters գործակալությանն ասել է ԱՄՆ կառավարության անանուն աղբյուրը:
Հիմնականում հայտնաբերվել են պոռնոգրաֆիկ ֆիլմեր, որոնք գտնվում էին ժամանակակից կրիչների վրա: Աղբյուրն այդ նյութերի քանակը բնութագրել է որպես «զգալի»: Սակայն այլ մանրամասներ չեն նշվում:
Ավելի վաղ նշվել էր, որ այդ տանը ինտերնետի հնարավորություն չի եղել: Ենթադրվում է, որ դրանք Աբոթաբադի նրա թաքստոցում են հայտնվել սուրհանդակների միջոցով, որոնք այլ տեղեկություններ էին հասցնում Ուսամա բեն Լադենին: Իրավապահները նշում են, որ նմանատիպ օպերացիաների ժամանակ իրենք հաճախ են հայտնաբերում պոռնոգրաֆիկ արխիվներ: