Պակիստանի գերագույն դատարանը մայիսի 12-ին որոշում է կայացրել, որ Պակիստանի նախագահը չի կարող նախագահ եղած ժամանակ լինել նաև քաղաքական կուսակցության ղեկավար: Այս մասին հաղորդում է Associated Press գործակալությունը:
Այսպիսով, Ասիֆ Ալի Զարդարին ստիպված կլինի լքել իշխող Պակիստանի ժողովրդական կուսակցության ղեկավարի պաշտոնը:
Ըստ դատարանի նախագահի` Զարդարին չի կարող համատեղել այդ երկու պաշտոնները, քանի որ նա պետք է չեզոքություն պահպանի և խորհրդանշի դաշնային պետությունը: Այն հարցը, թե արդյո՞ք Զարդարին կարող է զբաղեցնել միանգամից երկու պաշտոն, բարձրացվել էր դեռ անցած տարի, երբ մի խումբ իրավաբաններ որոշում կայացրեցին վիճարկել այդ իրավունքը: