Սանկտ Պետերբուրգի հանդիպումից հետո Ս. Սարգսյանն այցելեց ԼՂՀ: Անդրադառնալով «Առաջին լրատվական»- ի հարցին, թե որն էր ՀՀ նախագահի այցի նպատակը՝ Ստեփանակերտի մամուլի ակումբի նախագահ, «Անալիտիկոն» հանդեսի գլխավոր խմբագիր Գեղամ Բաղդասարյանը նշեց. «Ինֆորմացիա չկա, կարող ենք ցանկացած ենթադրություն անել. ընդամենը կարող եմ ասել, որ ինքնին փաստը, որ երկու հայկական պետականությունների ղեկավարները պարբերաբար ինֆորմացիայի փոխանակում են անում, դրական երևույթ է, բայց ինֆորմացիայի փոխանակումը կարող է լինել և՛ դրական նպատակով, և՛ բացասական: ՀՀ նախագահը հասկանում է, որ Ստեփանակերտում ասելիք ունի, և Ստեփանակերտից պատասխան պիտի հնչի. այդ ակնկալիքն է կարևոր»:
Ռուսաստանի ԱԳ նախարարության պաշտոնական ներկայացուցիչ Մարիա Զախարովան հունիսի 28-ին Մոսկվայում կայացած ճեպազրույցի ժամանակ, պատասխանելով ՌԴ-ի, Հայաստանի և Ադրբեջանի նախագահների՝ Սանկտ Պետերբուրգում կայացած եռակողմ հանդիպման արդյունքների վերաբերյալ հարցին, հայտարարել է, որ ԼՂ հակամարտության կարգավորման թեման լռություն է պահանջում: Գեղամ Բաղդասարյանը, անդրադառնալով Զախարովայի հայտարարությանը, նկատեց՝ ոչ մի քաղաքական կարգավորում չի կարող լռություն պահանջել: Բաղդասարյանի դիտարկմամբ՝ Մարիա Զախարովայի այս կոչն ուղղված էր երկու հակամարտող կողմերին:
Մանրամասները՝ տեսանյութում:
