Ինչպես հաղորդում է The Mirror պարբերականը, դատարանը պաշտոնապես արգելել է տեղեկություններ հրապարակել Facebook և Twitter սոցիալական ցանցերում: Այս որոշումը կայացվել է մի անգլուհու հայցով, որը փորձում է իր ծանր հիվանդ դստերը հեռու պահել ԶԼՄ-ներում նրա անվան հիշատակումից:
Դատավորը որոշել է, որ ԶԼՄ-ներին և սոցիալական ցանցերին կամ մեդիաներին, այդ թվում` Twitter-ին և Facebook-ին, արգելվում է ցանկացած տեսակի տեղեկություն հրապարակել ծանր հիվանդ աղջկա մասին (մայրը թաքցնում է նրա անունը): Արգելվել է նաև հիշատակել այն մարդկանց անունները, որոնք բուժում են այդ աղջկան կամ խնամում նրան:
Անգլոսաքսոնյան դատական համակարգում սա կարող է լուրջ նախադեպ դառնալ հետագայում մեդիաների վերաբերյալ նոր որոշումներ կայացնելիս: Սակայն մասնագետները նշում են, որ թե՛ Twitter-ը և թե՛ Facebook-ը գտնվում են Անգլիայի դատարանի իրավասություններից դուրս, և դժվար կլինի պարզել, թե տեղեկություններ հրապարակողը որ երկրից է դա իրականացնում:
