«Առաջին լրատվական»-ի աղբյուրները հայտնում են, որ ՀՀ երկրորդ նախագահը շարունակում է պարբերաբար մեկնել աֆրիկյան երկրներ` որսի նպատակով։ Ըստ մեր աղբյուրների, երկու շաբաթ առաջ ևս, Ռոբերտ Քոչարյանը որսի էր մեկնել Տանզանիա։ Ըստ այն նկարների, որոնք 2009թ. տեղադրված էին http://tanzaniabiggame.com/ կայքում, Ռոբերտ Քոչարյանը սիրում է սպանել է առյուծ, աֆրիկյան գոմշացուլ, այծքաղ, Սեդրակ Քոչարյանը` հովազ: Այսպես, մենք փորձեցինք ճշտել, թե որքան գումար կարող է արժենալ նման հոբբին և այդ մասին ինֆորմացիա գտանք համապատասխան ծառայություններ մատուցող ընկերությունների պաշտոնական կայքերից:
Այսպիսով՝
http://www.africanhuntingsafaris.com/african_taxidermy.htm#taxidermy_african, http://www.kalaharihunts.com/information/rates-in-usd.html, http://www.africanskyhunting.co.za/pricelist.html, http://www.trophyhunt.ru/hunting/opis_2/opis_2_podrobnee.htm?id=10313032@cmsArticle, http://www.worldtoafricahunting.com/pebble.asp?relid=47
կայքերում տեղադրված են Հարավաֆրիկյան Հանրապետության սաֆարիների գները: Հրապարակված տեղեկությունների համաձայն՝ «սպանդի» գնացուցակն ունի հետևյալ տեսքը.
Փիղ՝ $35,000 – 50,000;
Ռնգեղջյուր՝ $33,000 – 45,000;
Առյուծ՝ $25,000 – 30,000;
Աֆրիկյան այծքաղ՝ $15,000 – 20,000;
Աֆրիկյան գոմշացուլ՝ $14,000 – 18,000;
Ընձառյուծ՝ $9,000 – 14,000;
Գետաձի՝ $9,000 – 13,000;
Հովազ՝ $8,000 – 13,000;
Ընձուղտ՝ $3,000 – 5,000;
Ջրագոմեշ՝ $2,500 – 4,000;
Զեբր՝ $1,000 – 2,000;
Այծքաղ՝ $800 – 1,600։
Որսորդական տուրի սիրահարներին Աֆրիկայում տրամադրում են բարձրակարգ քոթեջներ`բոլոր հարմարություններով, էկզոտիկ սնունդ` վայրի կենդանիներից պատրաստված ճաշատեսակներով, հարավաֆրիկյան խմիչքներով:
Նման ծառայությունների փաթեթից օգտվելու օրավարձը մեկ անձի համար կազմում է 200-450 դոլար, պրոֆեսիոնալ որսորդի ուղեկցությունը` 350-500 դոլար: Ի դեպ, ընտանիքի անդամների համար կան հատուկ զեղչեր: