Ռուսաստանի ԱԳ նախարարության պաշտոնական ներկայացուցիչ Մարիա Զախարովան հունիսի 28-ին Մոսկվայում կայացած ճեպազրույցի ժամանակ, պատասխանելով ՌԴ-ի, Հայաստանի և Ադրբեջանի նախագահների՝ Սանկտ Պետերբուրգում կայացած եռակողմ հանդիպման արդյունքների վերաբերյալ հարցին, հայտարարել է, որ ԼՂ հակամարտության կարգավորման թեման լռություն է պահանջում:
«Կարևոր է ձեռբերված դրականը չփոշիացնել հանրային հռետորաբանության մեջ: Այն պետք է պահպանել կոնկրետ քայլերի ընթացքում իրագործելու համար: Կան թեմաներ, որոնք լռություն են պահանջում, որովհետև այստեղ պետք է աշխատեն փորձագետներն ու դիվանագետները»,- նշել է Զախարովան:
Ստեփանակերտի մամուլի ակումբի նախագահ, «Անալիտիկոն» հանդեսի գլխավոր խմբագիր Գեղամ Բաղդասարյանը նկատում է՝ ոչ մի քաղաքական կարգավորում չի կարող լռություն պահանջել:
Բաղդասարյանի դիտարկմամբ՝ Մարիա Զախարովայի այս կոչն ուղղված էր երկու հակամարտող կողմերին:
Մանրամասները՝ տեսանյութում: