ԱԺ ՀՅԴ խմբակցության քարտուղար Արտյուշա Շահբազյանն այսօր ԱԺ բրիֆինգներում հայտարարեց, թե բավական է՝ Ռոբերտ Քոչարյանը երկու նախադասություն ասի, և մամուլը կսկսի քննարկել` արդյոք նա վերադառնո՞ւմ է, թե՞ ոչ:
Թե ինչու հենց ՀՅԴ-ն և մասնավորապես՝ Հրանտ Մարգարյանը, չբացառեց Քոչարյանի վերադարձը, Շահբազյանը նշեց, թե կարող են լինել դիրքորոշումներ անհատների կողմից, բայց կուսակցությունը չի դնում և հարցազրույցներ քննարկում: Ամեն դեպքում, նա հայտարարեց, որ ՀՅԴ-ն երկու անգամ սատարել է Քոչարյանին, մասնակից եղել նրա ծրագրերի իրականացմանը:
Շահբազյանը, խոսելով Կոնգրես-իշխանություն երկխոսության մասին, ասաց. «Եթե այդ գործակցության արդյունքում Կոնգրեսը պետք է հայտնվի խորհրդարանում, ոչինչ, բայց եթե սեղանին ավելի լուրջ արժեթղթեր են՝ օրինակ հայ-թուրքական արձանագրությունների վավերացում, դա անընդունելի է»: