Վրացական Мedianews լրավական գործակալության փոխանցմամբ, այսօր վրացական խորհրդարանում ցուցադրվելու է «Օկուպացիա» նախագծի շրջանակներում նկարահանված «Գերմանական աղետ» փաստագրական ֆիլմը:
Այն ցուցադրվելու է տարածքային ամբողջականության վերականգնման հարցով ժամանակավոր հանձնաժողովի նիստի ժամանակ, քանի որ հենց այդ հանձնաժողովն է եղել նախագծի նախաձեռնողը, իսկ ֆինանսավորողը նախագահական հիմնադրամն է:
Նշվում է, որ դա միակ ֆիլմը չէ, որը պատմում է 20-րդ դարում ԽՍՀՄ-ի իրականացրած օկուպացիայի և ցեղասպանության մասին: Հանձնաժողովի նախագահ Շոթա Մալաշխիան ասել է. «Ընդհանուր առմամբ, նկարահանվել է 22 փաստագրական ֆիլմ: Դրանցում ի ցույց է դրվում, թե ինչպես են ռուսներն օկուպացնում այլ երկրներ ու ցեղասպանություն իրականացնում այնտեղ:
Այդ ֆիլմերը նախատեսված են վրաց հասարակության համար, սակայն դրանք ցուցադրվում են նաև այն 15 երկրներում, որոնցում իրականացվել են նկարահանումները»:
Հիշեցնենք, որ 2010 թվականի հուլիսին Վրաստանի խորհրդարանն ընդունեց երկու նոր սգո օր ընդունելու մասին որոշումը՝ «Օկուպացիայի օր» և «Տոտալիտար ռեժիմի զոհերի հիշատակի օր»:
