Հռոմի Ֆրանցիսկոս պապն այսօր հարգանքի տուրք է մատուցել 1915-ին կոտորված 1.5 մլն հայերի հիշատակին, իրադարձություն, որը նա պիտակել է որպես ցեղասպանություն, պարունակում է Թուրքիայի ցասման առաջացման ռիսկ։ Այդ մասին գրում է Reuters գործակալությունը։
Պապը Հայաստան այցի երկրորդ օրը վաղ առավոտյան այցելել է Ծիծեռնակաբերդ` «Ցեղասպանության հուշահամալիր և թանգարան», որտեղ տեսանելիորեն հուզված, մասնակցել է աղոթքի արարողությանը՝ Հայաստանի նախագահ Սերժ Սարգսյանի և Հայ առաքելական եկեղեցու առաջնորդների հետ:
«Այստեղ ցավը սրտումս աղոթում եմ, որպեսզի այլևս երբեք չկրկնվեն նման ողբերգություններ, որպեսզի մարդկությունը չմոռանա և բարությամբ չարին հաղթել իմանա»,- հյուրերի մատյանում իտալերեն գրել է Ֆրանցիսկոս պապը:
Գործակալությունն անդրադարձել է նաև Պապի երեկվա ելույթին, որը վերջին պահին շեղվելով պատրաստի տեքստից՝ արտասանել է «ցեղասպանություն» եզրույթը։