Թուրքական Milliyet թերթի փոխանցմամբ, ԱՄՆ-ում գտնվող Ipsos հետազոտական կենտրոնն ապրիլի 6-21-ն ընկած ժամանակահատվածում հարցախույզ է անցկացրել 23 երկրներում` պարզելու դրանցում բնակվող ժողովուրդների տրամադրվածությունը Լիբիայի դեմ ՆԱՏՕ-ի ռազմական միջամտության նկատմամբ: Դրան մասնակցել է ավելի քան 18,500 մարդ:
Բելգիայում, Հարավային Աֆրիկայում, Ավստրալիայում, Հնդկաստանում, Ֆրանսիայում, Շվեդիայում ու Կանադայում լիբիական առաջնորդ Քադաֆիի գահընկեց արվելուն կողմնակից է բնակչության ավելի քան 70 տոկոսը:
Բրազիլիայում, Ճապոնիայում, Իսպանիայում, Հարավային Կորեայում, Լեհաստանում ու ԱՄՆ-ում այդ ցուցանիշը կազմել է 1/3:
Գերմանիայում, Մեծ Բրիտանիայում, Հունգարիայում, Մեքսիկայում ու Իտալիայում ՆԱՏՕ-ի լիբիական օպերացիային աջակցում է բնակչության կեսից ավելին: 50 տոկոսից ցածր արդյունքներ են գրանցվել Թուրքիայում, Ռուսաստանում, Արգենտինայում ու Ինդոնեզիայում:
Ընդհանուր առմամբ, վերոնշյալ 23 երկրներում ՆԱՏՕ-ի աջակցության միջին ցուցանիշը կազմել է 60 տոկոս: Այդ երկրներից 11-ը կազմել են ՆԱՏՕ-ի անդամ երկրները, որոնց թվում ամենացածր ցուցանիշը գրանցվել է հենց Թուրքիայում:
