Մի քանի աղբյուրների տեղեկությամբ՝ ԱՄՆ նախագահի թեկնածու Դոնալդ Թրամփը պատրաստվում է հեռուստատեսային բիզնեսով զբաղվել: Այս մասին գրում է Foreign Policy-ն:
Նշվում է, որ նախընտրական արշավի ամենաթեժ պահին միլիարդատերը դժվար թե այդպիսի ավանտյուրայի գնա, սակայն այդ պայքարն արդեն անակնկալներով լի է եղել, սկսած հենց Թրամփի առաջադրումից: Ուստի ամերիկյան պարբերականը որոշել է հաղորդումների մի քանի տարբերակ առաջարկել, որոնք կարող էին ընդգրկվել հեռուստաալիքի հեռարձակման ցանցում:
Այսպես. քանի որ Թրամփը բազմիցս համակրանք է հայտնել ՌԴ նախագահ Վլադիմիր Պուտինի հանդեպ, հոդվածի հեղինակները նրան խորհուրդ են տալիս եթեր հեռարձակել «Ձյուդոյի ժամ Վլադիմիր Պուտինի հետ» շոու, որում Ռուսաստանի նախագահը բիզնեսմենին կցուցադրեր մարտարվեստի իր հմտությունները:
Ըստ հեղինակների՝ ևս մեկ հաղորդում կարող էր լինել «Կիմ Չեն Ինի հետ դեմ դիմաց» անվանումով. Թրամփն ավելի վաղ հայտարարել է Հյուսիսային Կորեայի առաջնորդի հետ բանակցելու պատրաստակամության մասին:
«Թարմփ-TV»-ի այլ հնարավոր հաղորդումների թվում Foreign Policy-ն նշում է «Միսս տիեզերքը», «Աշակերտը» շոուի նմանօրինակը, որի շնորհիվ միլիարդատերը հայտնի է դարձել որպես ռեալիթի-շոուի աստղ, ինչպես նաև «Գոլֆ հայտնիների հետ Trump National Doral Miami-ում»:
Եթերային մնացած ժամանակը Թրամփին առաջարկում է իրենով լցնել: