«Ազատություն» ռադիոկայանի փոխանցմամբ, Եվրախորհրդարանի կողմից Ադրբեջանում մարդու իրավունքների մասին ընդունված բանաձևում Ադրբեջանը քննադատության է ենթարկվել.
«Եվրախորհրդարանն Ադրբեջանին քննադատում է լրագրողներին և քաղաքական ակտիվիստներին շարունակ ահաբեկելու համար: Ադրբեջանը պետք է զերծ մնա ապօրինի մեղադրանքներից և երաշխավորի լրագրողների անվտանգությունը:
Եվրախորհրդարանն Ադրբեջանին կոչ է անում ազատ արձակել Ջաբար Սավալանին և Բախտիար Հաջիևին, ինչպես նաև «Ռեալ Ադրբեջան» թերթի խմբագիր էյնուլա Ֆատուլաևային:
Այն բանից հետո, երբ երիտասարդ ակտիվիստներ Ջաբար Սավալանը և Բախտիար Հաջիևը Facebook-ով Ադրբեջանում հակաիշխանական ակցիաներ անցկացնելու մասին կոչեր հնչեցրին, նրանց դեմ մեղադրանք հարուցվեց թմրանյութեր պահելու և զինծառայությունից խուսափելու մասին»:
Հիշեցնենք, որ ներկայումս Բախտիար Գաջիևին «զինծառայությունից խուսափելու» համար սպառնում է մինչև 2 տարի ազատազրկում: Ջաբար Սավալանն արդեն իսկ «թմրանյութեր պահելու» համար դատապարտվել է 2.5 տարի ազատազրկման: Նույն մեղադրանքով 2010 թվականի հուլիսի 6-ին էյնուլա Ֆատուլաևան դատապարտվել է 2.5 տարի ազատազրկման:
