LiveJournal-ն ընդլայնել է սոցիալական ցանցերից օգտվողների հնարավորությունները: Հիմա սոցիալական ցանցերի օգտատերերը կարող են իրենց մեկնաբանությունները թողնել LiveJournal-ի բլոգերում, նախկինում միայն հաղորդագրություն թողնելու փոխարեն: Այս մասին «Газета.Ru» -ին է հայտնել LiveJournal Russia-ի ղեկավար Սվետլանա Իվաննիկովան: Նաև կայքում փոխվել է վերին հատվածի դիզայնը:
«LiveJournal-ի նոր հաղորդագրության մեջ փոխվել է ոչ միայն վերին տողի դիզայնը, այլև անհամեմատ ավելացել են նրա գործառույթները: Գրանցված օգտատերերին հիմա ընձեռվում են նոր հնարավորություններ: Բոլոր էջերին նոր հղումներ են տեղադրված, որոնք թույլ են տալիս իմանալ վերջին մեկնաբանությունների մասին կամ փոխել հաշվի կարգավորումները, ուղարկել նվերներ կամ հաղորդագրություններ, ընկերներ հրավիրել կամ կարգավորել մասնակիցների ցուցակը` չտեղափոխվելով LiveJournal.com-ի գլխավոր էջ», – ասել է Իվաննիկովան:
Նոր փոփոխությունների շնորհիվ Facebook, Twitter, OpenID, Mail.Ru և В Контакте սոցիալական ցանցերի օգտատերերը հիմա արդեն կարող են հաղորդագրություններ թողնել LiveJournal-ի էջերում, նախկինի միայն մեկնաբանության փոխարեն: «Փոփոխությունները գործում են LiveJournal-ի բոլոր օգտատերերի համար», – նշում է Սվետլանա Իվաննիկովան: