1993թ. այս օրը Մարտակերտի ազատագրության ժամանակ` Մաղավուզի բարձրավանդակի վրա, նահատակվեց «Արաբո» ջոկատի հրամանատար, ՀՅԴ անդամ Կարո Քեհքեջյանը (Կարօ Քահքէճեան, Սպիտակ արջ):
Կարո Քեհքեջյանը սփյուռքի այն հերոսներից էր, որ կամավոր մեկնեց Արցախ` մասնակցելու ազատագրական պայքարին:
Ծնվել է Սիրիայի Հալեպ քաղաքում, 1978-ին ավարտել է Գերմանիայի գիտական Ճարտարապետության ինստիտուտը, ապա հաստատվել Կալիֆոռնիայի Ֆրեզնո քաղաքում: 1988-ի Սպիտակի երկրաշարժի ժամանակ գալիս է Հայաստան և իր օգնությունը ցուցաբերում երկրաշարժից տուժած համայնքներին:
Արցախյան պատերազմի ժամանակ իր ընկերոջ` Շահե Աճեմյանի հետ կազմում է Խաչակիրներ ջոկատը, որը մեծ դեր է ունենում Մարտունու, Հադրութի, Մարտակերտի, Լաչինի և Քելբաջարի կռիվներին:
Թաղված է Եռաբլուրում: