Ադրբեջանական Salam News գործակալության փոխանցմամբ, Ադրբեջանն իր առջև խնդիր է դրել ձեռք բերել հեռահար գործողության հրթիռներ: Այս մասին այսօր Ստամբուլում հայտարարել է IDEF-2011 ռազմական արդյունաբերության 10-րդ միջազգային ցուցահանդեսին մասնակցող Ադրբեջանի ռազմական արդյունաբերության նախարար Յավեր Ջամալովը.
«Մեր առաջնահերթ առաջադրանքն է համարվում հեռահար գործողության հրթիռների ձեռք բերումը: Այդ հարցով մենք բանակցություններ ենք վարում չինական երկու ընկերությունների հետ:
Արդեն կայացել են նախնական բանակցությունները, որոնք կավարտվեն մոտ ապագայում: Ես հուսով եմ, որ օպերատիվ-տակտիկական հրթիռներն ու հրթիռային համազարկի հրետանային համակարգերի հրթիռները շուտով կհայտնվեն Ադրբեջանում»:
Հիշեցնենք, որ երեկ էլ Յավեր Ջամալովը հայտարարել էր, որ մինչև տարեվերջ Ադրբեջանը կարտադրի 60 անօդաչու ինքնաթիռ: