Ռուսաստանյան Коммерсантъ-ը այսօր տեղեկացնում է, որ Ռուսաստանի Դաշնության պաշտպանության նախարար Անատոլի Սերդյուկովն հայտարարել է, թե երկրի ռազմա-վարչական վերաբաժանման բարեփոխումներն հաջողությամբ ավարտված են: Համաձայն նոր բաժանման՝ երկրի ողջ զինված ուժերը վեց զինվորական օկրուգների լուծարման արդյունքում չորս օպերատիվ ռազմավարական հրամանատարությունների են վերածվել: «Կատարվել է մեծ ծավալով աշխատանք: Մենք նույնիսկ ժամանակից շուտ ենք ավարտել ծրագրի իրականացումը», – հայտարարել է Սերդյուկովը:
Այսպիսով, Մոսկվայի եւ Լենինգրադի ռազմական օկրուգները կձևավորեն Արևմտյան հրամանատարությունը: Մերձվոլգյան- ուրալյան եւ Սիբիրի արևմտյան ռազմական օկրուգները կմիավորվեն՝ ձևավորելով Կենտրոնական հրամանատարությունը: Արեւելյան հրամանատարությունը կձևավորվի հեռավորարևելյան ռազմական օկրուգի ու Արեւմտյան Սիբիրի զորամիավորումների հենքի վրա:
Սևծովյան եւ Կասպյան նավատորմները, Հայաստանի Գյումրի քաղաքում տեղակայված 102-րդ ռուսական բազան, ինչպես նաև Հարավային Օսեթիայում և Աբխազիայում գտնվող բազաները միավորվում են: «Հարավային» հրամանատարության մեջ:
Սերդյուկովի գնահատմամբ, ռազմական ուժերի ու միջոցների միավորումը միացյալ հրամանատարության ներքո էականորեն բարձրացնելու է ԶՈՒ մարտական հնարավորություններն ու ներուժը:
