«Ես շատ հարգանքով եմ վերաբերվում նախագահի ինստիտուտին և երբեք չեմ քննարկել ո՛չ առաջին, ո՛չ երկրորդ նախագահների ելույթները»,- Ռոբերտ Քոչարյանի վերջին հարցազրույցի վերաբերյալ լրագրողների հարցին ի պատասխան նկատեց ԱԺ ՀՀԿ խմբակցության պատգամավոր Կարինե Աճեմյանը:
Աճեմյանը նշեց, որ շատ դրական է գնահատում, երբ նախկին նախագահներն իրենց վերաբերմունքն են հայտնում ներքաղաքական վիճակի կամ արտաքին հարաբերությունների գործընթացի հետ կապված: Ըստ Աճեմյանի` Քոչարյանի վերջին հարցազրույցը մեկնաբանելու կարիք չկա, քանզի նա իր տեսակետներն է հայտնել:
Անդրադառնալով դաշնակցական Հրանտ Մարգարյանի այն հայտարարությանը, թե չի բացառվում Ռոբերտ Քոչարյանի ակտիվացումը նախագահական ընտրություններին, Աճեմյանը նշեց, որ ընտրություններից առաջ միշտ հետաքրքիր կարծիքներ են հնչում և գործընթացներ են ակտիվանում. «Կարծում եմ` ժամանակը ցույց կտա, մենք պիտի սպասենք և ամեն ինչ պարզ կլինի»: