Աշխարհում գոյություն ունեն հարյուրավոր խորհրդավոր վայրեր ու օբյեկտներ, որոնց առեղծվածը գիտնականները փորձում են պարզել մի քանի տասնամյակ շարունակ:
Քարե շրջանները, աստվածություններն ու տաճարները պատմական արժեքավոր նյութեր են, որոնք մեզ հնարավորություն են տալիս վերադառնալ անցյալ՝ մարդկային քաղաքակրթության զարգացման ակունքներ՝ գրում է irfactov.com-ը:
Կարնակյան քարեր, Ֆրանսիա
Կարնակյան քարերը հավաքածու է՝ բաղկացած ավելի քան 3 հազար քարից: Դրանք գտնվում են Կարնակ քաղաքի շուրջ և տեղադրվել են Ք.ծ.ա. 4500-3300 թվականներին:
Ասուանի անավարտ կոթողը, Եգիպտոս
Ասուանի մոտակայքում է գտնվում քարի հսկայական կտոր՝ նախատեսված կոթողի համար: Այն անավարտ է մնացել, ըստ երևույթին, ճաքերի պատճառով, որոնք առաջացել են քարի վրա:
Քարե կոթողի չափերը տպավորիչ են՝ բարձրությունը 42 մետր է, քաշը՝ 1200 տոննա:
Անտեկերա, Իսպանիա
Յուրահատուկ համալիրը ստեղծվել է Ք.ծ.ա. 3700 թվականին: Խոշոր քարերը կշռում են 180 տոննա:
Ջագանտիա, Մալթա
Այն համալիր տաճար է Մալթայի Գոզո կղզում: Քարե տաճարները կառուցվել են Ք.ծ.ա. 3600 թվականին: Հարկ է ասել, որ այդ ժամանակ դեռ հայտնագործված չէին մետաղական գործիքները ու անիվը:
Քարե գնդեր, Կոստա-Ռիկա
Հավաքածուն բաղկացած է ավելի քան 200 գնդից, որոնք ունեն մի քանի սանտիմետրից մինչև ավելի քան 2 մետր բարձրություն:
Ինչպես ենթադրվում է, դրանք ստեղծվել են Ք.ծ.ա. 1500-500 թվականներին:
Օլմեկների առաջնորդները, Մեքսիկա
«Օլմեկների առաջնորդները» հավաքածուն բաղկացած է 17 հսկայական քարե գլուխներից: Հավաքածուն ստեղծվել է Ք.ծ.ա. 1500-1000 թվականներին, յուրաքանչյուր գլուխը կշռում է 6-50 տոննա:
Յոնագունի հուշարձան, Ճապոնիա
1987թ. հայտնաբերվել են ստորջրյա գոյացություններ Յոնագունի կղզու լողափում: Այդ գոյացությունները ունեն հարթ եզրեր, զուգահեռ ուղիղ անկյուններ ու սյունաշարեր:
Կամբեյսկյան նեղուց, Հնդկաստան
2001թ Հնդկաստանում հայտնաբերվեց ջրածածկ քաղաք: Հնարավոր է՝ քաղաքը գոյություն է ունեցել Ք.ծ.ա. 9500 թվականին:
Մոաի, Զատկի կղզի
Զատկի կղզում է գտնվում աշխարհի ամենամեծ առեղծվածներից մեկը՝ հսկայական քարե արձանները: Պատմաբանները տանջվում են՝ հասկանալու համար, թե ինչու են դրանք անավարտ մնացել:
Գեբեկլի Թեփե, Թուրքիա
Մոլորակի ամենահին կրոնական կառույցներից մեկն է՝ ենթադրաբար, ստեղծված Ք.ծ.ա. 10000-9000 թվականներին:
Որոշ սյուների քաշը հասնում է 20 տոննայի: