Հուլիսին Բելգրադում կայանալու է ԵԱՀԿ խորհրդարանական վեհաժողովի տարեկան նստաշրջանը, որի օրակարգում ընդգրկված է նաև ԼՂ հարցը:
Ռազմավարական և ազգային հետազոտությունների հայկական կենտրոնի ղեկավար Մանվել Սարգսյանն «Առաջին լրատվականի» հետ զրույցում նշեց, որ Մինսկի խումբը, որը հանդիսանում է ԼՂ հարցի կարգավորման միջնորդ, ԵԱՀԿ կառույց է և եթե որևէ բան կատարվում է ԵԱՀԿ-ում, ապա դա վերաբերում է նաև Մինսկի խմբին:
«Գուցեև Բելգրադում փորձ է արվում մի քիչ շտկել այն իրավիճակը, որը ստեղծվել է Աստանայում»,- նկատեց Սարգսյանը և ընդգծեց, որ Աստանայում կայացած ԵԱՀԿ գագաթաժողովի ժամանակ ձևական հայտարարություն արվեց ինչ-որ մոտեցումների մասին և պրոցեսն իրականում օդում կախվեց:
Մանվել Սարգսյանի դիտարկմամբ՝ ԵԱՀԿ-ն ԽՎ ամբիոնը օգտագործելով կփորձի ԼՂ հարցով ավելի կոնկրետ հայտարարության գալ, որովհետև հարցի լուրջ քննարկման համար նախադրյալներ չկան. «Ի՞նչ քննարկեն, ո՞ւմ հետ քննարկեն»:
