Բանջո անունով կոալան երկուշաբթի օրը անհետացել է Ավստրալիայի հարավարևելյան Նոր Հարավային Ուելս նահանգի սողունների գազանանոցից: Այս մասին հայտնում է The Daily Telegraph-ը:
13-ամյա կենդանին կորել է իր համար նախատեսված առանձնավանդակից, որտեղ նա տեղափոխվել էր 2011 թ.-ի սկզբին: Բանջոյին այստեղ բերելով` նպատակադրվել էին բեղմնավորել տեղի էգերին, այլ ոչ թե ցուցադրել:
Գազանանոցի աշխատակազմը կենդանու գողանալն անվանել է տխուր իրադարձություն և կոչ արել վերադարձնել կենդանուն, որպեսզի նրան վնաս չհասցնեն: Ինչպես ասել է գազանանոցի տնօրեն Մերի Ռեյները, Բանջոն լավ սնվելու կարիք ունի, քանի որ նա նիհարել էր տեղափոխման ժամանակ: Բացի այդ, էվկալիպտների մի քանի տեսակներ կարող են թունավոր լինել կոալայի համար:
Բանջոն համարվում է ծեր արջուկ. անազատության մեջ նրանք ապրում են մինչև 15 տարի, իսկ բնության մեջ` 10: Կոալաները հեշտ են ընկնում սթրեսի մեջ և երկար ժամանակ է պահանջվում նոր տեղին սովորելու համար: Ռեյները նշել է, որ Բանջոյի առևանգումն առաջին դեպքն է Ավստրալիայի գազանանոցներում: Այլ կենդանիներ հանցագործների ոտնձգության չեն ենթարկվել:
