Ռուսական RIA Novosti լրատվական գործակալության փոխանցմամբ՝ Petroleum World էներգետիկ գործակալության ղեկավար և նավթի հարցերով վերլուծաբան Էլիո Օեպը հայտարարել է, որ նավթի գները չեն վերադառնա մեկ բարելի դիմաց 100 դոլարի մակարդակին:
Նա ընդգծել է, որ այդ մասին է վկայում պահանջարկի մակարդակը. «Եթե նայենք, թե նավթարդյունահանող երկրներն ինչպես են գրում իրենց բյուջեները, ապա նրանց մեծ մասը կարծում է, որ դա կարող է անել մեկ բարելի դիմաց 60 դոլարի շրջանում:
Իսկ ահա Վենեսուելայի նման երկրների պարագայում անհրաժեշտ է, որ նավթի մեկ բարելի գինը գերազանցի 100 դոլարը՝ հավասարակշռելու համար իրենց բյուջեն ու մարելու համար պարտքերը: Սակայն նրանք ստիպված են ապրել նման (60 դոլարի) պայմաններում:
Տրամաբանությունից զուրկ են նրանց պնդումներն ու հույսերը, ովքեր կարծում են, թե նավթի մեկ բարելի գինը կվերադառնա 100 դոլարի մակարդակին»: